THIRD PERSON
ALAS DOSE NG HATINGGABI. Bumangon si King mula sa kama at nagsimulang magbihis. Itim na t-shirt, itim na pantalon, itim na jacket at itim na leather shoes ang mga isinuot niya. Nagsuot din siya ng itim na mga gloves sa kamay.
Isinilid niya sa isang backpack ang sniper rifle at ilan pang klase ng baril na gagamitin niya bago niya ito isinakbat sa likuran niya.
Binitbit na rin niya ang helmet niya at susi ng motorsiklo bago lumabas ng silid. Tahimik at may kadiliman na ang buong paligid. Ang iba sa mga guard ay natutulog na rin sa mga kanya-kanya nilang silid. Ang iba naman ay nananatiling nakabantay sa buong mansion.
Lumabas siya ng bahay at naglakad patungo sa garahe na nasa kanang bahagi ng mansion ng mga Delavega. Nilapitan niya ang motorsiklo niyang naghihintay sa kan
