"Ba't kaya ang tagal ni Sheryll?" ani Vien sabay sulyap sa relos na suot nang mapansing napasarap ang kuwentuhan niya kina Joyce at Lemuel at halos nakalimutan na nila si Sheryll na kanina pa hindi lumalabas ng classroom.
"Kaya nga. 'Di pa rin tapos maningil ng utang?" tumatango namang sang-ayon ni Joyce.
Vien shrugged and decided to take a walk pabalik sa tapat ng open door ng classroom para silipin sa loob kung naroon si Sheryll. Sumunod na rin ang dalawa.
Nangunot ang kanyang noo nang kahit saan siya tumingin ay hindi niya nahagilap ang kaibigan. Wala na rin ang bag ni Sheryll.
"Si Sheryll?" she asked one of their classmates na naroon pa sa loob.
"Hindi namin alam, Vien. Baka kanina pa lumabas," tugon ng isa sa mga kaklase.
"Lumabas na? Ang sabi'y hintayin ko siya kaya nga hininta
