"As in? 'Di ka talaga nagbibiro? Inaalok ka ni Tristann ng kasal? Ah, mali, kapalit ng inaalok niyang malaking business partnership sa mommy mo'y gusto niyang pakasalan mo siya?" sunud-sunod na anang kaibigan ni Vien na si Joyce matapos niyang ikuwento nga rito ang mga nakagulalat na turn of events sa kanyang buhay.
Tumangu-tango si Vien. “Gano’n na nga, Joyce.”
Para bang hindi nito malaman kung matatawa o ano, basta ‘yung parang na-weirduhan na lang talaga. “Seryoso?”
Sa muli ay tumango ang dalaga. “Yes, seriously and unfortunately.”
“Pero bakit daw ba kasi? Sabi ko na nga ba, matagal nang may hidden desire ‘yang kaklase natin noon na si Tristann Lee sa ‘yo, eh!” Nahaluan nga ng malisya ang ngisi at tingin nito sa kanya para manukso.
Nailang nga siya’t umiling. “Urgh! It’s not what y
