"'Yung tungkol din pala sa binuko nina Carlene… 'yung kay Lemuel, uhm…" Hindi malaman ni Sheryll kung paanong uumpisahan, awkward tuloy ang datingan. Nahihiya kasi siya hindi dahil sa may gusto pa rin siya do'n sa lalaki kundi nahihiya lang siya sa mga kaibigan.
"Sa totoo lang, hindi ako nagulat nang marinig ko 'yon, Sheryll. Ano sa tingin mo ang dahilan kung kaya't binasted ko si Lemuel?"
Nag-isip siya. Ano nga ba–bigla ay may napagtanto siya.
"Huwag mong sabihing dahil sa akin…"
"Right. Nuon pa man nakaramdam na ako. Babae din ako, Sheryll, kaya umaandar ang radar ko at nakakaamoy ako."
Now, Sheryll feels even more guilty.
"Nang dahil sa akin, kinailangan mo tuloy na isakprisyo ang feelings mo sa kanya kahit na gusto mo rin siya. Dahil sa iniisip mo ako at masasaktan ako, hindi mo
