Tinitigan nga niya si Joyce. Seryoso ba ito sa sinasabi nito? Gusto daw nitong maging kaibigan siya? Talaga?
Na-immune na si Vien na para siyang may nakakahawang sakit kung iwasan ng mga kaklase kaya walang gustong makipagkaibigan sa kanya kaya talagang nakakapanibagong marinig na may taong gustong maging kaibigan siya.
"Kung ginagawa mo 'to para laging may magco-coach sa 'yo sa klase, mali ka ng nilapitan dahil isang beses ko lang na gagawin 'yon at hindi na masusundan pa."
Imbes na ma-offend ito sa sinabi niya'y naging persistent pa nga lalo ito.
"Alam ko naman, at promise, hindi 'yon 'yung intensyon ko kaya gusto kong makipagkaibigan. Feeling ko kasi ang cool mo kaya ako nakikipag-friendship sa 'yo."
Bahagyang nagtaas siya ng kilay saka sumuko na rin sa pangungulit nito. Parang wal
