Naunang bumaba ng sasakyan si Francis saka pinagbuksan si Zoey ng pinto. Inalalayan rin niya ito habang pababa ng sasakyan.
"Bakit dito mo talaga ako dinala?" tanong ni Zoey nang makababa na siya ng sasakyan.
"Why? There's something wrong?" kunot noong tanong nito.
"Wala naman, akala ko kasi simpleng dinner lang at sa simpleng lugar lang din. Hindi ka ba nababahala na may makakita sa iyo dito na ang kasama mo ay isang nanny na kagaya ko?"
"Bakit naman ako mababahala kung ang kasama ko naman ay magandang dilag na kagaya mo? Anyway, I know ikaw ang nababahala, but don't worry, I already gave them an order to close the place for us," wika nito sabay angat ng bahagya ng braso to make the signal na ikawit ni Zoey ang kamay nito sa braso niya.
Saglit muna na natigilan si Zoey, pero ikinawi
