Nang makaupo si Sophia sa hita niya ay agad itong hinawakan ni Zoey at hinalikan sa pisngi.
Maya-maya pa ay nalingon siya kay Francis nang marinig ang sinabi nito.
"Nanghihinayang ka sa papel?" nakangising tanong ni Francis.
"Hindi lang basta papel iyon, business card iyon ni Alfred," nakairap na tugon ni Zoey.
"So, nanghihinayang ka nga? May gusto ka ba sa lalaki na iyon?" salubong ang kilay na tanong ni Francis. Sa tono pa ng boses nito daig pa boyfriend kung mag-usisa.
"Mr. Alejandre, kaibigan ko si Alfred at matagal na panahon kami hindi nagkita, kaya nga binigay niya ang business card para kahit papaano ay makontak kami. Ano ba ang masama doon?" tila naiinis na tugon ni Zoey.
"Dahil ayoko makipagkita ka sa lalaki na iyon," halos pabulong na tugon ni Francis at agad na iniwas ang
