Habang sa daan patungong bahay nila Aling Sabel tahimik pa din si Riley, si Max ay pasulyap sulyap sa kanya at hindi nakatagal nagsalita na ito.
" Pwede mo akong kausapin bes, pwede mong sabihin sa akin ang gumugulo sa isip mo." Alok ni Max kay Riley.
" Huhhhh... ewan ko bes, nakakainis lang kasi. Para kasing pinabibintangan niya akong nagtaksil sa kanya, na tinago kong andon si Harper. Di ko nalang talaga naisip na itext siya dahil nabigla pa rin ako sa pagdating ni Harper. After nang lahat nang nangyari sa amin, wala pa rin pala siyang tiwala sa akin. Ako nga tong dapat na magselos eh dahil hanggang ngayon ayaw niya pa rin magkwento about sa asawa niya. Feeling ko tuloy mahal pa rin niya ito at naging panakip butas lang ako, pantanggal nang lungkot niya." Pagmamaktol ni Riley
