Sa Piling ni Lucario
Season 2
AiTenshi
Part 41: Magkaibang Daigdig
Mula rito sa aming kinalalagyan ay natatanaw ko pa rin ang maitim na lupa na dating kinalalagyan ng Bayan ng mga buto. Ngayon ay halos wala nang natira dito maliban sa bakas ng isang malakas na pag sabog at hukay na halos bumura na sa buong lupain. Hindi ako makapaniwala na si Lucario ang gumawa nito sa isang iglap, mukhang tama nga si Mr. Alponso na siya ay isang espesyal na Diyos, taglay niya ang malalakas na kapangyarihan ng kanyang namana mula sa mga magulang na sina Aharon at Naama. Kung may kakayahan siyang wasakin ng ganoon kadali ang isang buong bayan, tiyak na kayang kaya rin niya wasakin ang buong mundo. Kaya naman pala gumawa ng kwintas upang pigilin siya sa kanyang mapanirang porma.
“Bukas ay makakaratin
