Napabalikwas ako ng bangon dahil sa narinig kong ingay mula sa alarm ng cellphone ko. Nang silipin ko ay nagmadali akong tumakbo sa banyo upang maligo. Alas-sais na kasi ng umaga. Ilang minuto na ang nakalipas bago ko pa narinig ang alarm ko. Kailangan ko pa namang pumasok bago mag alas-siyete ng umaga dahil may sasabihin ang professor namin sa akin. Hindi ko na alam kung paano ko natapos ng mabilis ang paliligo ko. Basta ang alam ko lang hindi dapat ako ma-late sa klase.
Nagmadali akong nagbihis pagkatapos ay agad akong nagtungo sa kusina upang magpaalam kay Mama.
"Mama! Aalis na po ako, late na kasi ako. Kuya! Ihatid mo na ako!" sigaw ko.
"Mhady, hindi ka ba kakain ng almusal?" Tanong ni Mama
kumuha lang ako ng tinapay at inilagay ko sa bag ko. "Babaunin ko na lang Mama, kakainin k
