Pabalik-balik akong naglalakad dahil sa ganoon lamang mababawasan ang kabang nararamdaman. Hindi ako mapakali at paulit-ulit na tumitingin sa may pintuan sakaling nariyan na sila kahit pa alam ko naman na dapat ay maririnig ko ang tunog ng sasakyan kung sila nga ay dumating na.
Hindi ko namalayan na sa kahihintay ko ay nakatulog ako. Nagising na lamang ako na sobrang init ng pakiramdam at parang sinusugatan ang lalamunan. May kung ano sa tiyan ko na parang gutom na gutom at uhaw na uhaw sa kung ano.
Naging matalas ang pang-amoy ko at parang may bumubundol sa labi ko. Para akong tinatangay ng hangin ng bumangon at tumayo, sinusundan ang isang napakabangong amoy.
Dugo…
Hindi ko na alintana pa ang hindi pagkakaroon ng sapin sa aking paa. Mas nakatuona ng atensyon ko ngayon sa pag
