DAHIL sa pananakit ng katawan kaya hindi nakabangon kaagad si Cady. Alas-nuwebe na ng umaga siya nagising. Tinawagan na lamang niya ang kanyang sekretarya at sinabing i-cancel mula ang meeting at appointment niya. Pakiramdam kasi niya’y lalagnatin siya. Nanlulumo siya at gusto lang ng kanyang katawan na humilata.
Nagising siya na wala na sa kanyang tabi si Rue. Tahimik din ang kabahayan. Naisip niya, baka pumasok na sa opisina nito ang kanyang asawa. Nang kumalam ang sikmura niya ay nagpumilit siyang bumangon at pumasok sa banyo. Naligo siya ng maligamgam na tubig. Pagkatapos maligo ay nagsuot lamang siya ng maiksing puting maong pants. Isinuot niya ang puting kamiseta ni Rue na umabot sa hita niya ang laylayan. Maluwag ito sa katawan niya.
Pagkuwan ay dumeretso siya sa kusina. Wala pang
