PAULI-ULIT NA NAGRE-REPLAY sa utak ni Daphne ang eksenang nakita niya sa video na pinakita sa kan’ya ng lalaking nagngangalang Fredrik. Narinig din niyang tinawag ni Fredrik ng Far ang kamukha ng ama niya na si Edvard. Far ang tawag ng mga norwegian sa ama ng mga ito.
Nakaalis na ang mga ito pero parang nasa loob pa rin ng silid niya. Parang naiwan ang boses ng mga ito na paulit-ulit na nag-e-echo.
Ipinikit niya ang mga mata niya para iwaglit sa isipan ang nangyaring panghahalay ng Edvard na 'yon sa ina niya. Nagawa pa nilang kuhanan ng video na ikinanginig ng laman niya. Hindi niya nga tinapos panoorin dahil awang-awa siya sa ina na nakailang ulit na nagmamakaawa. Parang dinudurog ang sarili niya dahil sa nalaman.
Kaya pala wala ang ina niya nang magising siya. Ang sabi lang sa kan
