UNANG ARAW NANG pasukan sa unibersidad kaya maagang nagising si Daphne. Siya na din ang nagluto ng almusal nilang mag-asawa. Dapat si BK ang magluluto dahil iyon ang sabi nito sa kan’ya pero hindi na niya ginising dahil late ng umuwi dahil sa misyon nito.
Hindi na niya pinigilan ang asawa na maging active ulit ito sa organisasyong kinabibilangan nito. Nag-aalala man siya pero wala siyang magawa. Masaya raw ito sa ginagawa kaya hindi na siya kumukontra.
“God! I’m sorry, baby. Dapat ako ang gumagawa niyan.” Napalingon siya sa asawang bagong pasok. Mukhang hindi pa naghihilamos. Papungas-pungas pa kasi. Boxer lang din ang suot nito.
“It’s okay. Kailangan mo ng sapat na tulog dahil galing ka sa trabaho mo.” Pinaghila niya ito ng upuan. “Maupo ka dito at ipagtitimpla na lang kita ng kape.”
