Forty-one
Sanay akong makita s'yang tumatawa at maingay. Kaya sobrang galit ang nararamdaman ko ngayon. Pagbalik namin sa mansion ang unang hiling ni Jas ay mapag-isa. Nauunawaan ko ang nararamdaman nito kaya naman inihatid ko s'ya sa likod ng mansion kung saan ko ipinatayo ang dalawang bahay na katulad ng tinutuluyan ni Jas kasama sina Bruno, Jasmin at Mace.
Habang nasa silid n'ya si Jas, ako naman ay narito sa balcony sa kabilang bahay. Tahimik na sinisimsim ang alak habang nakatanaw sa balcony ni Jas. Bukas ang ilaw sa kabila. Tiyak na hangang ngayon ay umiiyak pa rin ito roon.
Tinawagan ko ang mga kaibigan ko, tiyak na maya-maya lang ay darating na ang mga ito. Kailangan ko nang makakausap ngayon. Baka sumabog na lang ako sa galit at pasabugin ko ang mga taong nanakit sa babaeng m
