"OH MY GOD, Blaire! What are you doing here?!"
Pagkabukas na pagkabukas pa lang ni Paulin ng pinto, iyon na agad ang bumungad kay Blaire. Umiling siya saka dali-daling pumasok sa loob. Ibinaba niya ang mga bag na dala saka hinarap ang kaibigan.
"Paulin, I'm begging you." Nilapitan niya ito at hinawakan ang mga kamay. "Hayaan mo munang dito ako manatili pansamantala. Hindi ko pa kayang magpakita kina mommy at daddy. Tinawagan nila ako kanina at... at nalaman na nila kung nasaan ako. Ngayon, papunta na sila sa Wild Island. I'm scared, Paulin. Hindi ko na alam ang gagawin ko."
"Sandali lang, Blaire. Ano bang sinasabi mo? I don't understand you. Bakit ayaw mong magpakita kina tito at tita? At bakit ka natatakot? Naguguluhan ako, Blaire," gulong-gulong sabi nito saka umiling pa ng ilang ulit
