"BAKIT NAMAN ANG tagal niyong dalawa?"
"Girl, na-traffic kami. Paano ba naman kasi, may nagbanggan sa highway kaya ayon, napilitan kaming maglakad ni Paulin."
"It's fine. Tara na, lagpas alas-otso na at baka naghihintay na sa atin si Griffin," ani Blaire kina Paulin at Danny.
Dito na sila nagkita-kita sa labas ng village na tinitirahan nina Blaire. Sa totoo nga niyan ay walang alam ang mommy at daddy niya na umalis siya. Aaminin niya, palihim siyang umalis dahil alam niyang hindi papayag ang mga ito lalo na ang daddy niyang sobrang strikto sa kaniya. Gusto niyang gamitin ang sarili niyang sasakyan pero malalaman at malalaman pa rin ng magulang niya na aalis siya. Kaya bahala na kung magalit ang mga ito sa kaniya o hindi.
Naghintay pa silang tatlo ng taxi at nang may tumigil sa harapan
