NAALIMPUNGATAN BIGLA SI Blaire sa hindi malamang dahilan. Napaupo siya sa kama at tumingin sa paligid niya. Walang nagbago, she's still in their room. Sunod-sunod siyang napailing at bumalik na sa kinahihigaan. Pumikit siya, tumagilid, at niyakap si Sergio. Ngunit nangunot-noo siya nang malambot ang kayakap niya. Marahan niyang binuksan ang mga mata at ganoon na lamang ang gulat niya nang makita iyon. Unan iyon at wala si Sergio. Where is he? Gabi na, saan ba ito pumunta? Binalingan niya ang orasan, pasado alas-diyes na ng gabi.
Imbes na bumalik sa pagkakatulog, mas minabuti niyang tumayo para hanapin si Sergio. Hindi siya makakatulog hanggat hindi nakikita ito. Binuksan niya ang ilaw sa kuwarto. Inikot ang paningin, umaasang nagtatago lang ito pero wala. Muli na naman siyang napailing at
