ISANG NGITI ANG sumilay sa mga labi ni Blaire nang magising siya kinabukasan. Nang tingnan niya ang tabi, wala na roon si Sergio. Dahan-dahan siyang umupo sa kama saka tumingin sa kawalan. Today is the day. Ngayong araw ang date nila ni Sergio. Kagabi pang hindi maalis ang ngiti sa kaniya. Na-e-excite siya na hindi niya alam. Basta kung ano man ang mangyayari, tatanggapin niya. At iyong sorpresa ni Sergio, inaabangan din niya. Sa totoo nga'y hindi siya nakatulog nang maayos dahil sa kakaisip noon.
Mayamaya pa ay napagdesisyunan na ni Blaire na tumayo. Nang makatayo ay marahan siyang naglakad patungo sa banyo. Naghilamos at nag-toothbrush siya. Nang matapos sa ginagawa, bahagya niyang inayos ang sarili bago tuluyang bumaba sa unang palapag ng bahay. Dinako niya ang kusina at nang marating,
