"AYOS KA LANG ba, Sergio?" nag-aalalang tanong ni Blaire kay Sergio habang naglalakad palapit dito.
"Ayos lang ako, Blaire. You don't need to worry about me. Ikaw, ayos ka lang ba? May masakit ba sa iyo?"
Umiling siya. "Ayos lang din ako, Sergio. Hindi ako nasugatan. Ako nga dapat ang mag-alala sa iyo dahil ikaw iyong lubusang naapektuhan. Nabaril ka ni Bernard nang dahil sa akin."
Dahan-dahang umupo si Sergio na ikinabahala niya. Nilapitan niya ito at tinulungang makaupo. May benda ang balikat nito tanda na roon ito binaril. Nang maayos nang nakaupo ang binata, bumalik na si Blaire sa puwesto kanina. Ayaw niyang malapit sa binata dahil naiilang siya. Siya na ang nag-adjust— siya na ang nagbigay ng distansya sa kanilang dalawa.
"Blaire, wala akong pakialam kung masaktan man ako. Ayos l
