"DON'T worry about it, Jessie. I-extend na lang natin into indefinite days ang leave of absences mo."
"Hindi ko talaga alam ang sasabihin, Mrs. Pendon," sagot ko sa nasa kabilang linya, "pero nagpapasalamat ako sa konsiderasyon na binibigay mo. H'wag mo sanang isipin na sinasamantala ko ang kabaitan mo o ang posisyon ni Lucas sa eskwelahan. Sadyang hindi ko lang kayang umalis at iwan ngayon ang pamilya ko."
Dalawang linggo lang ang naka-file na leave ko sa school. Kailangan ko nang mag-report sa trabaho kinabukasan, araw ng Lunes. Ang problema, hindi ko makapa sa puso ko na umalis ng San Miguel sa ganoong sitwasyon. Nag-aalala ako kay Mamang. Nag-aalala rin ako kay Elias. Mula kahapon nang ipaalam namin ang totoo tungkol sa pagkatao nito ay hindi pa kami kinakausap nito. Salamat na lang
