“SIGURADO ka bang ayos lang na sumama kami sa dinner na ‘yan?” tanong sa akin ni Ate Cora nang sundan ako nito sa kusina pagkuha ko ng tubig.
Nakagayak na kami at si Mamang na lang ang hinihintay. Nasa living room naman si Lucas kasama ang dalawa kong pamangkin.
“Oo naman, Ate. Pinahanda talaga ‘to ni Lucas para magkaharap-harap ang mga pamilya natin. Bakit ba, Ate? Nag-aalala ka na kung ano-ano ang maririnig natin na sasabihin ni Mr. Leandro Urbano?”
“Hindi ako natatakot sa matandang ‘yon. Sanay na ang dibdib ko sa pang-aalipusta ng ibang tao noon pa lang na nasa bundok tayo.”
“Eh, bakit parang worried ka?”
“Ewan ko. Kinakabahan kasi ako. Napansin ko lang… parang may kakaiba sa kilos ni Lucas mula pa noong isang araw. Parang tahimik siya masyado.”
“Anong ibig mong sabihin?”
“Hind
