HINDI pa rin ako halos makapagsalita habang pinapanood ang batang lalake na palayo na ngayon kasunod ang dalawang malalaking lalake. Sa tindig at bihis ng mga ito, mahihinuhang mga bodyguards ng bata. Bukod sa dalawang lalake ay may isang babae pa ito na kasama na nakasuot ng scrub suit at natittiyak kong siya nitong yaya. Mukhang hindi ordinaryo ang batang lalake. Dahil kahit wala ang tatlong kasama, mahahalata mong galing ito sa isang mayamang pamilya ang bata base na rin sa mga suot nitong mamahaling damit at sapatos isama pa ang mahusay na pagkilos at pagsasalita.
"Tingnan mo nga naman ang nagagawa ng siyensya."
Napukaw ako mula sa pagkatulala. Nilingon ko si Mamang na siyang nagsalita.
"Anong sinasabi n'yo, Mamang?"
"'Yong batang lalaki. Kilala ko ang yaya na kasama niya dahil p
