Nabigla si Althea, hindi alam kung matutuwa sa mga magulang na noon ay naghaharutan sa pool. Nakabihis na rin si Danica at mabilis na rumampa sa kanilang harapan habang si Beatriz naman ay mabilis na binalot ang katawan ng tuwalya.
"O, akala ko ba'y irarampa mo ang swim suit mo?" diga niya rito.
"Ang sagwa pala, friend," anito na hiyang-hiya lalo ma at naroroon na si Luan. "Pero ang yummy ni sir, mas guwapo pala siya kung hindi siya nakapormal," simpleng bulong nito.
Hindi niya tuloy maiwasang lingunin si Luan at nakitang tuwang-tuwa itong nanunuod sa harutan ng mga magulang niya.
"Laway mo, friend," ani Danica nang mapansin napatagal ang titig niya kay Luan.
Hindi naman kasi niya inaasahan na napakaguwapo naman pala nito kapag simpleng plain tshirt at khaki shorts lang ang suot ng la
