Napalunok nang sunod-sunod si Althea nang makita ang reaksyon ng ama, napatayo ito sa kinahihigaan at nagpamaywang.
"Tama ba ang narinig ko, Althea?" tanong nito na pormal na pormal ang kanyang mukha.
Hindi tuloy agad nakakibo si Althea, naramdaman pa niya ang pagsiko ni Henry sa kanya.
"Girl, mukhang kakatay ang papa mo sa hitsura niya," bulong nitong may takot sa kanya na nagpanumbalik sa kanyang isipan.
"Ganyan lang 'yan, huwag kang matakot," tugon dito pero sa totoo lang ay kinakabahan na si Althea lalo pa at naglakad papalapit sa kanila ang ama.
"Tinatanong kita, Althea, totoo bang boyfriend mo ang lalaking 'to!" halos iduro ng ama ang mukha ni Henry.
"Papa naman, huwag mo namang takutin 'yong tao," lakas-loob na angil ni Althea sa ama.
"Hindi ko siya tinatakot," pagalit na bar
