Pagdating nila sa kanilang bahay ay saka lang nakahinga ng maluwag si Althea mula sa pag-uungkat ng ina sa kanyang pitong taon sa kolehiyo, ngunit napuno naman ng pagtataka ang kanyang mukha nang madatnan ang isang pandak na lalaki sa kanilang sala.
"O, Inspector Valdez, napasugod kayo?!" tila gulat na reaksyon ng ina nang makita ang lalaki.
'Inspector Valdez?' ulit ni Althea sa isipan, naisip pa tuloy kung ano ang pakay ng lalaki sa kanyang mga magulang.
"Oo, ma'am, gusto ko sana kayong makausap na mag-asawa hinggil sa—" putol na turan nito nang marinig ang tinig ng ama.
"Sa pool area natin pag-usapan ang bagay na 'yan, Inspector," ani ng ama.
Napatingin si Althea sa ina saka binaling ang tingin kay Luan na kapwa niya nagtataka sa kung ano ang pakay ng lalaki sa magulang niya.
"Mabu
