Solo man nila ang lugar pero kailangang tumupad si Luan sa napag-usapan nila ng papa ni Althea. Sa bagay ay wala naman siyang balak na biglain si Althea sa ganoong bagay lalo pa at mukhang wala pa itong karanasan lalo na sa ganoong usapin.
"Sige na, mag-imis ka na muna at hintayin na kita sa labas," turan niya kay Althea matapos kumalas sa pagkakayakap rito, kung hindi pa niya kasi gagawin 'yon ay baka hindi na niya mapigilan pa ang sarili lalo na at ramdam niya ang pag-iinit ng katawan niya.
"Hindi ka dito—" putol na bulalas ni Althea nang mapagtanto ang kanyang sinasabi.
"Hindi, may cottage din ako diyan sa kabila," nakangiting sagot ni Luan.
"Ganoon ba, mabuti naman," mabilis namang bawi ni Althea sa pagkapahiya, inakala kasing sa iisang cottage lang sila maglalagi ni Luan.
'Atat l
