KINO POV
Minsan ay hindi rin masama ang maging manhid dahil madalas ay nagiging dahilan ito upang matakasan natin ang sakit at kirot na hindi mo alam kung paano mawawala. Hindi naman siya bulag at pipi. Siguro ay ramdam din niya kung ano man ang gusto kong ipahiwatig ngunit marahil ay hindi lang talaga ako iyong tipo niyang lalaki.
Sa larangan ng pag-ibig ay marami ang nasasaktan at umiiyak dahil umasa sila sa bagay na sa simula pa lang ay alam na nila na hindi naman iyon para sa kanila. Hindi natin masasabi kung kailan darating 'yong taong nakalaan para sa'yo upang mahalin ka. Iyong taong magbibigay halaga sa'yo at ang taong magpaparamdam kung ano nga ba talaga ang tunay na kahulugan ng pag-ibig. Masakit ang umasa ngunit sadyang gano'n talaga ang buhay. Masasaktan ka ngunit pagka
