Pinagbuksan ni Vanya ang pinto ng kaniyang bahay ang kumakatok. At napatitig siya sa taong kumakatok na iyon nang makita niya kung sino ito.
Si Ayu na umiiyak na naman. Mugto na ang mga mata. At kasama ang binatang nakita niyang kasama rin nito noong isang araw.
"Puwede ba kaming pumasok? I'm Mychal. Kaibigan ako ni Ayu. Ayaw niya kasing umuwi kaya dito ko siya dinala. May nangyari kasi," pakilala ng binata at paliwanag.
"Pasok. Pasok." Taratang niluwangan ni Vanya ang pinto para makapasok ang dalawa. May hula na agad ito na tungkol na naman kay Athan ang iniiyakan ng kaibigan. Pero mukhang mas malala ngayon dahil parang wala na sarili si Ayu. Nakatulala ang dalaga.
Pinaupo ni Mychal si Ayu sa lumang sofa nina Vanya.
"Ano’ng nangyari na naman sa babaeng iyan?" tanong ni Vanya haban
