Walang nais magsalita matapos silang magkatinginan. Awa ang naramdaman ni Heather sa asawa ng makita ito.
“Hmmmp! Bakit gising ka pa?” anito na halatang may tama ng alak. Deretso pa rin itong magsalita pero hindi siya sanay sa nakikitang kondisyon nito.
"Nag-alala lang ako sa'yo,” aniya saka inalalayan ito.
Hindi naman siya nito tinulak o anu man. Mabilis niya itong inalalayan saka pilit na tinulungan upang makaakyat ito sa silid nila. "Bakit ka naman kasi uminom ng sobra." Hindi mapigilang turan rito.
Tahimik lang ang asawa ngunit matiim na nakatingin sa kaniya nang ipahiga ito sa kama nila. Nagsimula siyang tanggalin ang botones ng damit nito at mabihisan nang huliin nito ang kamay. Iba ang tingin nito. Nabahala siya lalo pa at muling umugong sa isipan ang sinabi ni Dante. Nagbalik a
