"WAIT. Wait! Relax, man!" pigil ni Terrence kay Seth nang umigkas ang kanang kamao nito para sana'y susuntukin ang pinsan nito. "Katatapos mo lang mag-public apology, 'tapos heto ka na naman," sabi pa ni Terrence.
Maagap namang kinapitan ni Ashley ang braso ni Seth sa takot na baka masaktan talaga nito ang pinsan. "Maghulus-dili ka nga, Seth!" saway niya rito.
Marahang hinawakan ni Seth ang kamay niya saka nito hinaklit ang balikat ni Terrence at inakbayan ang pinsan. "Masyado kayong exaggerated na dalawa. Mahuhuli ko kaagad kayo kung talagang may kalokohan kayong ginagawa," nakangiti nang sabi ni Seth.
Napakamot ng ulo si Terrence habang mahigpit ang pag-akbay rito ni Seth. Siya naman ay napanganga. He fools them. Akala niya totoo nang biyolente na naman ito. Kinurot niya ito sa tagili
