HINDI na matahimik ang isip ni Ashley simula noong nakita niya si Seth sa palengke. Pangatlong araw na niya roon sa Capas pero nasa loob lang siya ng bakuran at nakihalubilo sa mga pinsan niya. Pilit niyang inaaliw ang sarili pero sadyang may kulang.
Hindi siya nakatiis. Kinausap niya si Mang Claudio at inalam niya kung may alam itong poultry sa Conception. Natuwa naman siya dahil alam nito ang pinakamalaking poultry sa kabilang bayan na nagde-deliver sa mga merkado saan man sa Tarlac. Nang hapong iyon ng Lunes ay niyaya niya ang kanyang tiyunin na bumili ng itlog sa Conception. Para-paraan, eh.
Ginamit niya ang kotse na hiniram kay Chesca. Mas mura raw ang presyo ng itlog kapag sa poultry mismo bibili. Mabuti na lang may kapitbahay sila na nagtatrabaho sa poultry sa Conception at binang
