"WHERE HAVE YOU been?" alalang tanong ng tao buhat sa labas sa kaniya nang sumulyap si Misha sa may awang ng kanilang pinto. "Alam mo bang nag-aalala kami sa 'yo nang sobra-sobra ha? Hindi ka man lang nagsabi sa akin na kahit ano. Nakakatampo kang babae ka! Jusko!" sunod-sunod nitong sambit sa may labas habang nakatingin sa pamilyar na babaeng nakatayo sa may labas ng gate. Humikab pa siya ng isang beses habang iniisip kung kumukulo na ba ang tubig na kakasalang lang sa electric heater sa may kusina.
Pasado ala-sais pa lang ng umaga. Pabagsak ang kaniyang mga matang nakatingin sa babaeng bigla-bigla na lang susulpot sa kanilang pamamahay. Para siyang naririndi sa kaingayan nito. Dinaig pa ang ingay ng kaniyang alarm clock sa tuwing sasapit na ang ala-singko ng umaga. Nabubulabog pa ang ut
