“Are you sure you’ll be fine?” Iyon ang agad na reaksyon ng kaibigan nang sabihin ni Althea ang naging desisyon ng board kanina sa meeting.
Bakas sa mga mata ng lalaki ang pag-aalala para sa kanya, lalo pa’t alam nito kung ano ang pinagdaanan niya noong unang mga taong hindi na nagparamdam si Daxon sa kanya. Nakita nito kung paano siya malugmok at mawasak, kaya naiintindihan niya talaga kung saan ito nanggagaling.
“I’ll try to be fine, Brent,” aniya saka bumuga ng hangin at pabagsak na umupo sa kama. Kasalukuyan siyang nag-iimpake ng mga damit. Sa susunod na linggo pa ang alis nila, pero inuunti-unti na niya ang pag-iimpake dahil busy siya sa trabaho. “Ang inaalala ko lang ay si Winston. As much as I want to bring him with me, hindi pwede for various reasons and you already know that,”
