UMUWI si Althea na buo na ang desisyon: hindi niya hahayaan si Daxon na basta na lang siya ibasura. She will seduce him. She will make sure na pagsisisihan nito ang mga sinabi nito sa kanya.
Tumigil siya nang nasa tapat na siya ng pinto ng bahay. Huminga siya nang malalim at ikinuyom ang magkabilang kamay. “Panindigan mo ang desisyon mo, Althea,” bulong niya sa sarili at tuluyang pinihit ang doorknob.
Agad na bumungad sa kanya ang ninong niya na nanonood ng TV at prenteng nakaupo sa sofa. Nang marinig nito ang pagsara niya ng pinto ay saka lang ito lumingon sa direksyon niya. Agad itong tumayo at kunot-noo siyang nilapitan.
“Saan ka pa pumunta? Bakit hindi mo sinagot ang mga tawag at text ko?”
“Sinabi ko na sa ‘yo na nagkita kami ng kaibigan ko,” aniya saka sinalubong ang mga mata nit
