"HEY, what are you doing here?" pasigaw na tanong sa kaniya ni Jared habang nanlalaki pa rin ang mga mata. Halos um-echo ang boses nito sa buong opisina sa lakas ng sigaw nito. "At saka ano iyang dala-dala mo? Daig mo pa ang susugod sa rambol."
"Magkakarambol talaga dito sa opisina mo kapag hindi mo ipinaliwanag sa'kin kung bakit mo sinira ang cellphone ko!" ganting sigaw ni Jheann at dire-diretso sa pagpasok habang nakaamba ang tubo. Basta lang din niya sinipa nang malakas ang pintuan para isara kaya lumikha iyon ng malakas na kalabog. Siguradong dinig iyon hanggang labas.
"F*ck!" Namula sa galit si Jared dahil sa ginawa niya. "Kung pumunta ka lang dito para eskandaluhin ako, mabuti pang umalis ka na bago pa kita ipakaladkad sa mga security guards ko."
"At ikaw pa talaga ang may ganan
