"ANO nga pala ang nangyari sa pamimili n'yo ni Mareng Karen, mahal? May problema ba?" nag-aalalang tanong ni Jared kay Jheann habang kumakain sila ng hapunan.
Simula kasi nang dumating ito kaninang tanghali ay kapansin-pansin na ang pananahimik nito. Halos ayaw magsalita kung hindi pa niya kinakausap. Kapag sumasagot naman ay matipid din. Parang isang tanong isang sagot. Ganoon. Samantalang madaldal ito at hindi nauubusan ng kuwento lalo na kapag galing sa pamamasyal."
Kanina pa nga niya ito gustong tanungin pero hinihintay lang ni Jared na magsabi. Baka kasi bumubuwelo lang ito o kaya ay baka nag-iisip pa.
Wala rin naman kasing nabanggit si Karen na nangyaring kakaiba sa pamamasyal ng mga ito. Kahit si Alex na sumundo sa dalawa ay wala ring nasasabi. Siguradong magsasabi naman ang mga
