ABOT-LANGIT ang excitement na nadarama ni Jheann nang huminto ang sasakyan nila ni Jared sa tapat ng malawak na gate ng mansion nila ni Oliver. Hindi na siya makapaghintay na makita si Hope. Tuwang-tuwa ito at sobrang excited din na magkita sila nang mag-usap sila sa cellphone kagabi. Si Jheann naman ay naiyak pa sa sobrang saya nang marinig ang boses ng anak. Medyo malungkot lang siya dahil hindi siya pinayagan ni Jared na makausap si Oliver.
Nakabantay ito sa buong sandali na nag-uusap sila ni Hope. Pero mabuti na lang at hindi siya nito nilimitahan ng oras. Kaya halos buong magdamag din silang nag-usap ng anak. At ganoon din katagal na binantayan sila ni Jared. Hindi nga niya lubos maisip kung paano ito nagkaroon ng tiyaga. Himala rin na hindi ito nagpakita ng pagkabagot habang naghih
