Mabilis ang patakbo ko ng sasakyan pauwi ng condo. Mahigpit kong binilinan ang mga security personnel na huwag siyang hayaang umalis.
Pagbukas ko ng pinto ng condo ay nakita ko si Rose. Umuwi nga siya.
Nakatalikod siya at nakaharap sa couch.
"Rose," tawag ko sa kaniya. Napatalon siya sa gulat ng marinig niya ang boses ko. Dahan-dahan niya akong nilingon at kita ko ang panlalaki ng kanyang mga mata.
"Ahm, Ethan."
Parang nag-aalangan ang mukha niyang tumingin sa akin.
Tinikom niya ang kaniyang bibig at nag-iwas ng tingin.
"Bumalik ka," wika ko at sinimulan ng humakbang. Kita ang takot sa kaniyang mukha at bahagya siyang umatras. Tinignan niya ako sabay baling sa gamit niya na nasa couch. Nakita ko doon ang luma niyang bag, iyong pinaglagyan ng gamit niya noong kinuha ko siya s
