Tatlong araw na tuloy-tuloy ang pagsama ko sa mga transaksyon ni ate. Kaya naman nagkakapera ako.
Si Ethan naman ay nagiging busy din. Mukha siyang pagod na pagod, 'pag umuuwi siya. Tinatanong ko kung kailan niya ako isasama para naman sana makatulong din ako sa kaniya. Kahapon kasi kahit sabado ay pumasok pa din siya. Sabi lang niya may bagong product daw sila na for launching.
Kaya naman hindi ko na din siya kinukulit nitong mga nagdaang mga araw. Gusto ko kasing maging mature woman sa harap niya para naman magustuhan din niya ako.
Gusto ko sanang mabura ang pangit na imahe ko sa kaniya na isa akong bayarang babae.
Maaga akong bumangon ngayong araw, sunday ngayon at walang pasok si Ethan. Ipaghahanda ko siya ng masarap na almusal.
Alas-siete y media ng lumabas siya mula sa kaniy
