Nandito na ako sa living room ng condo, habang si Ethan ay nasa labas kasama ang kapatid niya. Hinila niya ako papasok kanina at sinabihang huwag lalabas.
Mukhang hindi magkasundo si Ethan at Kristoff. Parang galit si Ethan sa kaniya. Bakit kaya? Dinalaw pa nga siya ng kapatid niya pero galit pa siya.
Baka masigawan na naman ako ni Ethan kapag inusisa ko siya, lalo na at mukhang mainit ang ulo.
Binuklat ko na lang ang hiniram kong libro at tinuloy ang pagbabasa. Mukhang nakaka-excite ang story na 'to. Tignan ko nga sa youtube mamaya kapag nakuha ko na kay Ethan ang celphone ko. Mukhang mas maganda kapag napanood.
Hindi ako magluluto ngayon dahil may pagkain ng binili si Ethan. Nag-take out siya ng pagkain mula sa isang mamahalin na restaurant.
Bumukas ang pinto at pumasok si Ethan
