NAGDADALAWANG isip si Eros nang sumunod na umaga. Kailangan nanaman niya kasing ihatid ang asawa sa opisina nito at kailangan niya ring pumasok sa trabaho. Kung pupwede nga lamang na bantayan niya si Mauve buong araw sa opisina nito ay gagawin niya. Bakit? Dahil alam niyang may isang taong umaali-aligid dito. Si Estefan. Kung bakit ba naman kasi sa dinami-rami ng taong pupwedeng makatrabaho ni Mauve ay ito pa? Halata namang sinadya ito ng lalaki dahil mayroon itong gusto sa kaniyang asawa. Isa iyong kahibangan at hindi niya hahayaan. “Do you really have to go to work? Baka pypwedeng mag-resign ka na? Kaya naman kita buhayin, Mauve.”
Natawa ito habang nililigpit ang kanilang mga pinagkainan. “Alam ko naman, pero hindi pupwedeng umalis na lang ako bigla sa kumpanya. Mahabang proseso pa iyo
