Manila, 1950
“A—ano ito?” kunot noong tanong ni Doktor Isaac sa nars nang abutan siya nito ng folder matapos ang ginawa niyang operasyon sa pasyenteng may sakit sa baga.
“Iyan ho ‘yong record ng kakapasok lang na pasyente kanina habang kayo po ay nasa operasyon dok,” sagot ng nars na siyang dahilan upang mapasinghap si Doktor Isaac.
“T—teka, may bago na naman akong pasyente?” Hindi makapaniwalang tanong nito na siyang tinanguan naman ng nars.
Ngunit natigilan ang doktor nang marinig ang pagbaba ng mga doktor mula sa ikatlong palapag ng ospital kung saan naroon ang conference room ng mga doktor.
Kasama nila ang Doktor Emmanuel Valenzuela na siyang nagmamay-ari ng ospital.
“Saglit lamang Nars Gladice at kakausapin ko lang si Doktor
