“Ako na ang siyang papasok Bernard, tutal ako naman ang kailangan nila,” suhesyon ni Tobias nang makarating na sila sa lumang gusali kung saan idinala sina Mary at Hanelle.
“Tobias, hindi maaari. Masyadong delikado kung papasok ka riyan ng mag-isa—“
“Bernard narinig mo naman siguro ang sinabi ni Emmanuel sa telepono hindi ba? Malaki ang posibilidad na nililinlang lang niya tayo. Maaaring hindi niya pakawalan sina Mary at Hanelle kahit na makaharap ko na siya. Panahon na Bernard para pagbayaran ng institusyon ang mga kasalanan nila kaya’t nais kong dalhin mo ang mga dokumentong ito sa pulisya. Ito ang magpapatunay ng lahat-lahat ng ginawang malpractice ng insitusyon.”
Agad ngang natigilan si Bernard at binuklat ngang agad ang mga dokumentong ibinigay ni Tobias.
