"Anong ipinakain mo sa asawa mo, anak? Aba'y mukhang naging kitten na ang dragona?" nakatawang tanong ni Clarence sa manugang.
"Magpasalamat ka na nga lang kaysa mangantiyaw ka pa, Honey." Pananawata naman ni MaCon sa asawa.
"Okay lang po iyon, Mommy. Tama naman po si Daddy. Malaki na ang ipinagbago niya nitong mga nakaraang araw. Sana nga po ay tuloy-tuloy na iyon," pagitna ni Tommy sa mga biyanan.
Totoo naman kasing nagiging kitten na unti-unti ang asawa niya. Ayaw man niyang aminin ngunit simula noong nagpaalam siya na mag-aaral sa business school ay nahalata na niya ang unti-unti nitong pagbabago. May takot tuloy na namumuo sa dibdib niya dahil baka kung ano ang iisipin nito. Alam naman niyang pawang katutuhanan at galing sa puso nito ang mga sinabi ng gabing iyon. Ngunit hindi pa r
