Kabanata 41:
Kumunot ang noo ng Hari nang marinig ang sinabing iyon ni Brenda. Hindi siya makapaniwala sa kanyang narinig. Si Prinsipe Johnson na mukhang lalampa-lampa? Pwedeng masira ang buong mansyon ni Lizardo nang siya lang?
Napaismid ang Hari. “Nagbibiro ka ba?”
“Hindi.” Diretso ang tingin ni Brenda sa Hari. Wala siyang balak na bawiin ang tingin niya rito.
Kunot pa rin ang noo nito habang nakikipagtagisan ng titigan kay Brenda.
“Bakit ho parang wala kayong tiwala sa akin?”
Naputol lang ang kanilang titigan nang si Johnson na ang nagsalita. Nakakaaawa ang tinig niyang iyon, para bang nagtatampo na nasasaktan.
“Wala naman talaga akong tiwala sa ‘yo,” naiiritang sagot nito.
Nagimbal si Johnson sa sinabi ng Lolo niyang Hari. Hindi niya pa ito naririnig mula mismo sa bibig nito n
