Nakahanda na ang motor na gagamitin nila sa kanilang paglilibot sa probinsya nang sila’y lumabas. Tila excited pa si Zach na nauna nang sumakay sa naturang motorsiklo. Una siya nitong sinuotan ng helmet bago nito isinuot ang para sa sarili. Nang makasakay siya ay hinila pa nito ang kanyang braso at iniyakap kay Zach dahilan para mapangiti na lang siya at nailing.
Masaya silang nag-uusap sa kasagsagan ng kanilang biyahe. Enjoy na enjoy siyang pinagmasdan ang kapaligiran habang nakayakap sa mabangong si Zach. Gumaan ang kanyang pakiramdam at panandaliang nakalimutan ang nakabinbin nilang problema. Kahit nagsisimula nang uminit ay hindi nila alintana iyon dahil sa hangin na dumadampi sa kanilang katawan habang tumatakbo ang sinasakyan nilang motor. May pagkakataong napapansin niyang masuy
