*** Cian's POV ***
Pagkatapos tawagan ni Zach si Mae upang ipagpaalam ako ay tumigil muna kami sa isang mall at nananghalian sa isa sa mga restaurants doon. Naglibot-libot muna kami sa loob at namili ng ilang mga kakailanganin ko.
Lagpas alas tres na ng hapon nang marating namin ang bahay nina Zach. Ngayon ko lang ito nakita nang personal dahil kahit kilala na ako ng kanyang pamilya ay hindi pa ako nagawi sa Maynila sa mismong bahay na ito, kun’di kina Mae lang at isang beses lang din iyong nangyari. Sinuri ko ang kabuuan ng kanilang bahay mula sa labas. Hindi lang ito literal na malaki kun’di para na talagang mansiyon sa laki at lawak nito.
Mabilis na nagsilabasan ang tatlong katulong at agad kaming sinalubong pagkalabas namin ng sasakyan sa garage area. Bumati sila sa ami
