Julianna
Hindi ko na magawang sabayan ang tawanan at usapan dito sa sala dahil bigla na lamang akong tinamaan ng antok.
Kanina naman ay ang sigla-sigla ko at panay din ang tawa ko sa kwento ni Valerie tungkol sa kung gaano kagalit ang nanay niya sa nanay ko noong iniwan niya kami.
Subalit ngayon, para bang may humaplos sa batok ko at biglang naging mabigat ang talukap ng mga mata ko.
Nahawa na rin kasi ako kay Jercie sa pagiging antukin niya. Kapag ganitong tanghali na, nag-aaya na siyang matulog kaya siguro hinahanap na ng katawan ko ngayon.
Pinipigilan ko lang na tuluyang makatulog dahil ayokong iwan ang mga bisita ko rito.
Nag-effort silang pumunta rito para samahan ako. Umalis si Jercie kaninang umaga at siguradong mamayang gabi pa iyon babalik dahil nagpatawag daw ng meeting si
