Julianna
Ramdam ko ang bigat at kirot sa ulo ko kahit na nakapikit ako. Parang may mga sundalong paulit-ulit na nagmamartsa sa loob ng bungo ko. Maging ang katawan ko ay hindi ko magawang ikilos.
Pilit kong iminulat ang mga mata ko, pero hindi ko pa man nagagawang buksan nang tuluyan ay napangiwi na ako.
Hindi na gumagalaw ang kisame subalit parang pinipiga naman itong ulo ko.
Ano ba ang ginawa ko?
"Good morning, my beautiful, lovely, drunk wife," bati ng isang pamilyar na boses sa may bandang gilid. Sa tono pa ng tinig niya ay halata na ang pang-aasar.
Marahan kong ibinaling ang ulo ko sa gawi niya, at nakita si Jercie na nakaupo sa harapan ng coffee table, suot pa rin ang natatandaan kong kasuotan niya kahapon.
May hawak siyang isang tasa, at nakapatong naman sa mesa ang isang tra
